ПАСХАЛЬНАЯ ПАВЕЧЕРНИЦА И ПОЛУНОЩНИЦА

Христос воскресе (3 раза).
Воскресение Христово видевше, поклонимся (поклон) Святому Господу
Исусу, Единому Безгрешному. Кресту Твоему поклоняемся Христе (поклон),
и святое Воскресение Твое поем и славим. Ты бо еси Бог наш, разве бо Тебе
иного не знаем, имя Твое нарицаем. Приидите вси вернии поклонимся
(поклон) святому Христову Воскресению. Се бо прииде Креста ради радость
всему мiру, всегда благословим Господа, поем Воскресение Его, распятие бо
претерпе, и смертию смерть разруши (3раза).
Предвариша утро, яже с Мариею, и обретоша камень отвален, слышаху
от ангела, иже во свете присносущнем сущаго, с мертвыми не ищите яко
человека. Видите гробные пелены, тецыте и мiру проповедите, яко воста
Господь умертвив смерть, яко Той есть Сын Божии, спасаяй род
человеческий (1 раз).
Аще и во гроб сниде Безсмертне, но адову разрушив силу, и воскресе яко
Победитель Христе Боже, женам мvроносицам радость провеща, и Своим
апостолом мир дарова, иже падшим подая воскресение (1раз).
Во гробе с плотию, во аде же с душею яко Бог, в раи же с разбойником, и
на Престоле беяше Христе со Отцем и Духом, вся исполняя неописанный.
Слава. Яко Живоносец, яко рая зело краснейши воистину, и всякого
Чертога царьска, явися светлейши Христе гроб Твой Источник нашему
Воскресению.
И ныне. Вышняго освященно Божие вселение радуися, Тобою бо дадеся
радость Богородице, вопиющим Ти, благословена Ты в женах
Пренепорочная Владычице.
Господи помилуй (40 раз). Слава, и ныне.
Честнейшую Херувим...
Именем Господним благослови отче.
За молитв святых Отец наших...
Христос воскресе (3 раза).
Отпуст: Воскрес из мертвых Господи Исусе Христе, Сыне Божии, молитв
ради Пречистыя Твоея Матере, преподобных и богоносных отец наших и
всех ради святых, помилуй и спаси нас яко Благ и Человеколюбец.
Аминь.
Господи помилуй (3 раза).
И обычные исходные поклоны.